Tootay Par Chiryaan

Darakhton sey harey pat’tey hawa kyon nooch leti hai !

Wo In chirryon ke totey par kahan par beich deti hai !

Inhein jo mol koi ley

Dukhon se tol koi ley

agar dil mein ye chubh jayein

Tau gehre naqsh khub jayein

Agar hum waqt se chup kar kahin be’waqt ho jayein

Aur in chirryon ki surat

Wuqa’at apni hum bhi kho jayein

Tau kya phir bhi lagataar aise san’naton ki gehri dhol

Yahan urr urr kar aaye gi !

Tau kya phir sokhi sokhi tehniyon ki kokh mein

Ghamnaak saanson ko

wohi biptaa sunaey gi !

Harey pat’ton ki har konpal

Jo apni khushk aankhon mein

Namee ke phool chunti hai

Tapak ker boond ki man’nind rishtey torr jaey gi

Hum apni siskiyaan chal kar

Kisi khandaq ki gehrai mein

Jaa ker dafn ker aayein

Hawa ke teiz nakhun bhi tarash aayein

Tau phir in tot’tey par chirryon ko bhi

Parwaaz aayey gi

Hamari be sada baaton mein bhi

Aawaaz aayey gi !!!

******

Zaroorat

                                        

Falak jaisa ho dil uska

Qadam suraj ke jaise hon

Wo karriyal jism rakhta ho, Nigha shehbaaz jaisi ho

Wo bole tau mohabbat karwatein leti ho lafzon mein

Badan ke gandami peikar mein garmi ho qayamat ki

Kuch aisa sarw’qaamat ho, chale jo saath mere tau

Usey ruk ruk ke dekhein larkiyaan rah mein

Siyaah baalon ka koi sheid jo aajaey maathey par

Tau do’pehron mein dam bhar shaam ke saaye ubhar aayein

Mujh aisi kehkashaaon ko wajahat dekh kar uski

Zameen par toot girne ki tammana tang kerti ho

Magar mein sochti hon, waqi’atan koi aisa ho

Tau kya mere qadam bhi bhool jayeingay gali apni

Nahein, …. aisa nahein hoga

Nahein aisa nahein hoga

Bohut hi khoobsurat hai …meri shaadaab tanhaee

Bohut hi khoobsurat hai

Jisey meri zaroorat hai !!!

Phir Kya howa

Phir Kya howa ye raah ki sushwariyon se poch

Bus itna yaad hay, Teri janib chala tha main.

Mehsoos kar raha hoon

 Mehsoos kar raha hoon main jene ki talkhian

Shyad muje kise se muhabat nahi rahi

Hasrat Bhari Nigahon Ko Aaraam Tak Na

Hasrat Bhari Nigahon Ko Aaraam Tak Nahi

Wo Yoon Badal Gaya K Ab Salam Tak Nahi

Jis Ki Talab Me Zindaagi Apni Guzaar Di

Us Be-Wafaa K Lab Pe Mera Naam Tak Nahi

Jo Keh Gaye The Shaam Ko Baithenge Aaj Phir

Kuch Saal Ho Gaye Koi Paigham Tak Nahi

Madfun Hun Tere Hijar Ki Ek Aisi Qabar Me

Kutbay Pe Jis K Aaj Koi Naam Tak Nahi

Be-Ikhtiyaar Uthte Hain Mere Qadam Udhar

Haalan-K Us Gali Me Mujhe Kaam Tak Nahi...